Dienstag, 7. Mai 2013

Miltiadh Davidhi: SHQIPËRIA IME

 
MILTIADH DAVIDHI
 
SHQIPËRIA IME

Vëndi im!Në zëmrë time thahesh e mbin i gjelbër e i ri,
E unë mbetem tokë pjellore
Për dashurinë e urrejtjen,virtutet e veset e tua,
Por malli u bë erë e kërkon të kthehet atje, tek ti,
Ndaj pritmë me ajër e dritë e ngrohtësi dhe mua.

Ai s’e di se barërat që u kujdesa me përkushtim
Janë tharë, e barërat e rinj s’më njohin më asnjëçikë,
E atje jam i papunë,i pabukë,anonim,
Në punë janë vetëm ata që meren me politikë!

Po malli do të kthehet, t’i marrë erë tokës
Si fëmija që s’jeton dot pa erën e nënës së vet,
Pa prehërin e saj,pa ia përkëdhelur fytyrën
Dhe pse e rrudhur,e plakur nga hallet, është tok’ e shkretë.

...Ai s’e di, se shokët atje u ngjajnë kuajve të bukur e fisnikë,
Që duan t’i kashaisësh me kujdes e nge,
E t’ua krehësh bishtin duke ua përkëdhelur me kashai
E thënë:-Oh,sa bisht të bukur që ke!

Por po t’u kërkosh të bëjnë një nder të thonë:
-S’kam kohë të bëhem shërbëtor i një poeti!
Dhe vrapojnë pas thesit të tagjisë si gjithmonë,
E bëhen shërbëtorë të një shteti...!

Po ata që tërhoqën zvarrë diktatorin e vdekur,
Përgjërohen për një deftesë, a dekoratë
Si ato që jepte diktatori kur qe gjallë dhe i hekurt,
Një lavdëratë,a qytetar nderi i x qyteti shkërdhatë!

Ka të tjerë që shkojnë më tej në absurditet,
Kërkojnë të bëhen të pavdekshëm,perëndi,
Megjithse janë thjesh qytetar,shkrimtarë a poet,
Duan patjetër të jenë qiellor si zoti, si ai,

Po malli do të kthehet... dhe pse vëndi im
I ngjan një molle të kuqe, të bukur
Me goxha krimb brënda që i ha tulin,shpirtin,
Dhe në të i qetë qëndron i strukur...!

Dhe pse cmira,zilia e keqja është futur tek ne
Si në trup e shpirtë gjarpëri,
E kafshon pas shpinës me dhëmbët plot hellm
E pa të helmuar si del inati,

E njerëzit u ngjajnë deteve,
Kanë krijuar kufi,
Nuk mund të bashkohen me ujërat e njëri-tjetrit,
Se janë në dy të ndryshme parti!

Mbi gjëmbat e tua e atë pak lumturi
Do vij ta shpoj e ta mbush trupin, shpirtin,
Në kërkim të një rruge për të nesërmen,
E me muret e diellit tënd të bëj varrin tim.

Vëndi im!
Në zemrë time thahesh e mbin,i gjelbër e i ri,
E unë mbetem tokë pjellore në përkushtim,
Për dashurinë e urrejtjen,virtutet e veset e tua,
Por malli u bë erë e kërkon të kthehet atje, tek ti,
Ndaj falmë ngrohtësi,ajër e dritë dhe mua.

Dt.7.05.2013.Salerno.
Miltiadh Davidhi.

Montag, 29. April 2013

Kolec Traboini: SHQIPERIA


KOLEC TRABOINI

SHQIPERIA

Jo miqtë e mi, ikja nuk është tragjedia
e hedhjes së trastës në kurriz pesë shekuj
me një shkop për të zbuar qentë, kurrsesi.
Tragjedi është mosdija e ikjes
moskuptimi e harrimi i piknisjes
miklimi që jeta na afron nëpër troje
të largëta e me bukuri të mahnitshme.
 
Jo miqtë e mi, joshja s’është e fajshme
kemi të drejtë ta jetojmë epshin tonë
për gra e vajza aziatike, për qejfe e pasuri
por lëshimi i vetvetes në pasione të liga
duke harruar vendin tim e vendin tënd
duke harruar se e bukura magjike
është edhe tek lulja mbi shkëmb.
 
Jo miqtë e mi, fajin nuk e ka Amerika
anipse më farfuritës Las Vegasi është
Bostoni, Detroiti, New Yorku,
San Françisko a Florida
se sa fshati yt a fshati im në Jug a Veri
sepse edhe këtu gjithçka është ngjizur
me mundime, me lotë, me dashuri.

Fajin kurrsesi nuk ta ka ikja
trokitja nëpër dyert e botës
ku mësove shijen e bukës me djersë
por vetmashtrimi, harrimi se
Shqipëria e varfër nuk mundi të jepte
më shumë se qumështin e gjirit e dhimbjen
më shumë a më tepër se në sepete kish.
 
Prandaj ti u bëre më i pasur e më i ditur
shumë më shumë se ata që s’dinin të iknin
- siç mençurisht ta thotë dhe Kavafis-
pikërisht se të mungonte Shqipëria
dhe dëshira për ta bërë të pasur atë,
pikërisht.
 
I humbur do të jesh vetëm atëherë
kur të ikësh - e më të kthehesh prapë,
s’do të dish.
2012

Sonntag, 28. April 2013

Alexandra Adami: NENA IME SHQIPERI


 
NENA IME SHQIPERI

Oj Nënë Shqipëri
A smë thirrë- unë do të vij!
Se aty ndjehem ...shqiponjë
Kur ti hap unë krahët e mij.
Oj Nënë Shqiperi
Jemi katandis në megrim të zi
Por zemra ime po rrah shqip
Se bija yte të përkas ty...
Sdua më aq larg të rri
Dua t´kthehen e të hy në gji,
Ta flas me ty gjuhën e bukur
Në mes shqiptarësh sa lumturi!
Oj Nëna ime Shqipëri
Merrëm në krah si një fëmijë,
Krenare këngën e këndoj për Ty
Për më t´bukurën SHQIPERI!!!

Natasha Limaja: Dy poezi


M'A GEZOFSHI 100-TE VJETORE!

O Ismail Qemal ,burri,
Pa shih Vloren ,u perflak ,
Shqipja me kokat krenare,
Valevitet mbi cdo oxhak.

O Ismail Qemal ,burri,
Nrehu, ngrehu e na shih ,
Ngazellimi na mbuloi, 
100-te vjete pamvaresi .

O Ismail Qemal ,burri,
I mencur e babaxhan,
Me fjalen tende te bute,
E zbute tere dynjane .

O Ismail Qemal , burri,
Ngrehu , ngrehu ,ti ku je ?!...
Njezeteteten vulose, 
Me te madhin Skenderbe .

O Ismail Qemal,burri,
U perpoqe, Eh,c'luftove!...
Tere jeten tende e shkrive,
Dhe ,ja, na mevetesove.

Ti na bere zot te vendit ,
Na mbushe me dinjitet ,
Ndaj dhe shqipja me dy koka,
Dallgezon per 100 vjete.

O Ismail Qemal, Vlora,
Hajde te festosh me ne,
Ditelindjen tende te dyte ,
100-te vjete memedhe .

Deshiren kemi  absurde
Porsi une dhe cdo shqiptare,
Ne kete dasme te madhe 
Ty te te kemi ne balle !...

Besoj ,uron shpirti yt,
Ne 28-te Nentore,
Mbi shqiponjen e flamurit,
M'a gezofshi 100-te vjetore!...

Fejzaj  7 . 11 . 2012 .





I MBUSHA 100-TE VJETE !

Ne cdo porte,ne cdo oxhak
Shqipja e mbytur ne gjak ,
Valevitet e brohoret
E,heeeeeej , i mbusha 100-te vjeeete.

S'jane pak ,por eshte nje shekull
Tmerresishte jame perpjekur ,
Larte flamurin kuq e zi 
Ta valevis me krenari .

Edhe pse, keq me gjymtoi
Europa, uqeri ,
Une Shqipja me dy krere
Fluturoj vec ne  LIRI .


Ndoshta jame e drobitur
Zemra me pikon gjak ,
Per Kosoven ,Camerine
Plage  ,plage fluturoj prape .

Kurre e kurre ,si kame harruar,
Se jane zgjatimet e mia,
I dua ! ,e do t'i marre !...
Ta di mire , Grekoserbia .

Po ti Europa plake
C'pate me folezen time?!...
Kur ajo ishte e plote 
Pse e ben cope e therrime?...

Po ta dish ,ta dish, ta dish
Se ajo ka rritur djem ,
hekurin  e bluajne me dhembe
Behen fli per MEMEDHENE .

Besoj se i ke njohur 
Apo zene u ke degjuar ,
Kush shqiponjen dykrenare 
E nis per te fluturuar .

Atlet i Krishtit ne Kruje
Diplomati vete ne Vlore ,
Ngriten shqipen e perflakur
Ne 28-te Nentore .

E  , u bene plote 100-te vjete
Qe  ai flamur valevitet ,
Sa te kete fryme shqiptari
Larte e me larte do ngjitet

E shenjte eshte kjo date
Ngazellimi i papare ,
Dhe gezimin pervelonjes
Kushdo qofte me gen SHQIPETARE!....

Fejzaj  20 . 11 . 2012 .

Samstag, 27. April 2013

Naim Frasheri: TI SHQIPERI ME JEP NDER


Naim Frasheri

TI SHQIPERI ME JEP NDER

O malet e shqiperise dhe ju o lisat e gjate,
fushat e gjera me lule,qe ju kam nder mend dite e nate.

Ju bregore bukuroshe dhe ju lumenj te kulluar,
cuka,kodra,brinja,gerxhe dhe pyje te gjelberuar!

Do te kendoj bagetine qe mbani ju e ushqeni,
o vendethit e bekuar,ju mendjen ma defreni..
Ti Shqiperi,me jep nder,me jep emrin shqipetar,
zemren ti ma gatove plot me deshire e me zjarr!

Agim Desku: SHQIPËRIA IME



SHQIPËRIA IME

Më thuaj Ti
Shqipëria ime
Sa vite e shekuj
Flasim shqip.

Më thuaj Ti
Sa ëndrra i mbolla
Në zemrën time.

Sa dëshira shpirti
I ruaja për Ty.

Më thuaj Ti
Shqipëria ime
Sa luftëra e dyluftime
Me djallët i bëra.

Sa herë edhe i krisur
Vetëm për Ty
U bëra
Feniks.

Eh,me Ty
Udhëtova
Dymijë vjet para Krishtit
Shqip.

Rrugës Via Egnatia
Denbabaden.

Edhe sot
Rrugës se kombit tim
Drejt lirisë.

Para Evropës
Isha Shqipëri
Isha Evropa vetë.

Fisi im
Para Ilir.

Pellazg më thonë
Për emrin e bukur Agim.

Si zjarr Prekazi
Trëndafil me aromë.

Më thuaj Ti
Shqipëria ime
Sa fjalë e bukur
Je.

Ke zemrën e secilit
Shqiptar.

Dashuri e liri
E emrit tim.

Më dhe nder
Gjithëçka shqip.

Brezave
U pagëzuam
Me shqipet
Fluturim.

Më thuaj Ti
Shqipëria ime
Në vargun tim
Sa bukur më rri.

Sebashku me Ylberin
Krijohet pejsazh.

Tek Drini poetik
Me gotën
Ngritim dolli vere.

Jetë e përqafim miqesh
Për Ty
Shqipëria ime.

Tokë e Dardanisë

Këtë tokë
Zoti e krijoj
Për shqipet.

Për Shqipërinë
tokë e Dardanisë
cep me cep e Ilirisë.

me plisa në ballë
me shalla të bardhë
me djemë Kastriota
vajza si zana
të bukur kanë lindur
për Atdhe
I rritë nëna.

Kjo tokë
Ka zot
Ka Adema
E Kastriot.

falë uratën
Nga përendia
Sy e zemër
Është Shqipëria.





PËR SHQIPËRINË

Për Shqipërinë
Ditë të mira
Kur do vijnë
Të gëzojmë
Të tërë lirinë
Me Malësi
E Çamërinë
Për Shqipërinë
Jemi tok
Të bashkuar
Për Evropë

Ismail.Kadare: MALLI I SHQIPERISE

 
Malli i Shqiperise

Me ka marre malli per Shqiperine tone
Sonte, kur po kthehesha me autobuz,
Tymi i cigares "Partizani" qe pinte dikush
Dridhej, kalteronte bente spirale,
Sikur te fshehta me thosh me gjuhen e shqiptareve

Mua bashkeatdhetarit
Te shikoj dua mbremjes ne rruget e Tiranes,
Ku kam bere dikur ndonje marrezi.
Dhe ne rruget ku s'kam bere marrezi.
Me njohin ato porta te vjetra te drunjta,
Inatin akoma do ta mbajne,
Koken do ta tundin,
Po une s'do ta marr per keq,
Se malli me ka marre.

Dhe t'eci rrugicave plot gjethe te thara
Gjethe te thara gjethe vjeshte,
Per te cilat krahasimet gjenden aq lehte.

Me ka marre malli per Shqiperine tone;
Per ate qiell te madh, te gjere e te thelle,
Per vrapin e kalter te dallgeve adriatike
Per rete qe ne muzg si keshtjella digjen,
Per alpet mjeker bardha e mjekergjelbra,
Per netet e najlonta qe nga flladet fergellojne,
Per mjegullat qe si indiane te kuq
muzgjeve shtegtojne.

Per lokomotivat e kuajt,
Qe te djersitur avullojne e hungerojne,
Per qiparisat, kopete, e varret
Malli me ka mare, malli me ka mare,
per shqiptaret.

Me ka mare malli e se shpejti vi atje
Duke fluturuar mbi mjegullat si mbi deshira,
Sa i larget, aq edhe i dashur je, Atdhe.

Aerodromi do te dridhet nga uturima
Mjegulla do te rrije pezull mbi humnera.
Ata qe shpiken shpejtesine reaktive
Larg Atdheut sigurisht do te kene qene
ndonjehere.